بعيد الحب،
ما بدي هدية، الهدية بتعتق،
وما بدي وردة، الوردة بتذبل،
ما بدي دبدوب، ما الو مطرح على تختي،
وما بدي تسهرني، ما عاد يعنيلي،
وما تكتبلي رسالة، مليت من الكذب،
وما بدي تسفرني، من حالي زهقت،
وما بدي كاتو او شوكولا، عاملة دايت…
بدي رشة اهتمام،
مع نتفة حنان،
مع كمشة احترام،
وغمرة عل خصر،
واسمع منك كلمة اشتقتلك،
وانتي كل الدني،
ومن دونك ما فيني عيش،
وأهم شي ما تنسى السنة الجاية عيد ميلادي….
وإذا مش قادر تقولهم،
بعيد الحب، مسموح الكذب!!!
كتير هلقد؟؟؟
كل عيد حب وانتو بألف خير…
ريتا السلوى عطالله
انضم الى freedom news عبر الواتساب على هذا الرابط👇
https://chat.whatsapp.com/DcDKWq8GzCxHrSAEgGtQ3y
