“مشروع متكامل لأهل زوق مصبح: شغل مش حكي”

كلمة من القلب.

التوافق على تغيير النهج، مشروعنا كامل متكامل لأهل زوق مصبح وسكانها.

١_البنية التحتية مش تزفيت وطرقات لا بل صيانة جذرية لشبكات المياه والصرف الصحي الي بتضل فلتانة عالطرقات وعم تاكل من صحتنا وصحة ولادنا.

والإنارة العامة مع حلول ذكية بتراعي البيئة وتخفيف الفواتير عن الناس.

٢_ البيئة مش شعار، هي أولوية

مشروع شامل لتجميل الأحياء لأن زوق مصبح وسكانها بيستاهلوا أرض نظيفة وخضراء.

٣_ تطبيق ذكي للتواصل مع البلدية

التواصل مع البلدية مباشرة عبر برنامج بيتلقى المشاكل أو الأعطال الي بتصير.

٤_ ولأنو صحتك بتهمنا

تفعيل عمل المستوصف والتعاون مع أطباء وأهل الضيعة وسكانها لتقديم المعاينات الدايمة على مدار الأسبوع، والعمل على التوعية الصحية وتأمين الأدوية المزمنة، وإذا قدرنا نكون كمان عم نشتغل ع موضوع صور الأشعّة وطبّ سنان.

أمّا المشاريع الباقية بتجي بالمرحلة التانية عبر إجراء مسح شامل لحاجات البلدة ووضع خطة طوارئ لتنفيذها.

الناس تعبانة، قرفانة،ما عندا ثقة من كتر ما سمعت خطابات.

إيد بإيد منكسر الروتين ومنعمل الفرق.

انضم الى freedom news عبر الواتساب على هذا الرابط👇

https://chat.whatsapp.com/BpMehRVvMKV3xifJv14oEb