“الفرزل مش حصة حدا… والكرامة أهم من المقعد: المختار جوزيف فرح ينسحب ويُشعل الموقف”

صدر عن مختار بلدة الفرزل جوزيف فرح البيان التالي.

أهلي، ابناء ضيعتي الوفية الفرزل،

رغم ثقتي الكبيرة بمحبتكن، ويقيني إنو هالمحبة كانت كافية توصلني للمقعد الاختياري، قررت اليوم إنسحب من السباق الانتخابي، وأركن لكرامتي وكرامة عيلتي، وكرامة كل عيلة فرزلية تهمّشت اليوم. وبكتفي بأغلى فوز ممكن أحقّقه، وهو محبتكن واحترامكن.

انسحابي مش تراجع، هو موقف نابع من قناعة، وصوت عالي بوجه كل حدا بفكر إنو فيه يختصر الفرزل لحالو، ويتصرّف كأنو القرار ملكه وحده. لاء، الفرزل مش حصة حدا، واللي صار ما لازم يمر هيك بسهولة.

آل فرح ومهنا،قرروا كمان الانسحاب والمقاطعة احتجاجاً على الطريقة المهينة يلي تم فيها التعاطي معنا. ومن هون، بدعي كل العائلات يلي حسّت بالإهانة أو التهميش، إنو توقف معنا بإيد وحدة، بوجه هالنمط بالتعاطي…

الفرزل لأهلا، وكرامة كل بيت فيها أهم من أي مقعد

انضم الى freedom news عبر الواتساب على هذا الرابط👇

https://chat.whatsapp.com/FLD15E2oDycC1I22b3F7Ox