إمّي يا مسبحة الصّلا
عند ساعات المسا
بركع بصلّيكي
وبدعي بحرارة الرّب يحميكي
ومن فيض إحسانُه الغني
يمّي يكافيكي
إمي يا أيقوني
يا ساكني عيوني
يا حاضرة عا طول
عنّك شو بدّي قول
وإنت الحلا كلّ الحلا
وبالعاطفه موني
وعالدّم بتموني
عالعمر بتموني
ربّي إلهي يحفظك عا طول
ويبقى حضورك روح أيقوني
وكتاب زاخر بالعبر
مكتوب بريشة حلا
بحروف حنّيه
بحبّ العطاء بنبذ الأنانيّي
إمّي يا إمّي الرّب يحميكي
وإلنا يخلّيكي
شمعة مضويّي
ع دروبنا وبقلبنا
وع العمر نبقى نفتخر فيكِ
سهى نخلة
