ريتا عطالله رئيسة لجنة الاهل في مدرسة القلبين الاقدسين المعلقة أين رؤساء واعضاء مجالس الاهل في زحلة؟؟
أين رؤساء واعضاء مجالس الاهل في زحلة؟؟
وينكم؟؟؟
انتم الصوت الصارخ للاهل،
لقد اعطوكم الثقة كي تمثلوهم في غيابهم…
لم يتعلم اولادنا هذا العام،
كل أسبوع عم يمرق نهارين فرصة…
وصرنا حافظين كلمة جديدة اسمها PONT!!!
،يعني الفرصة موصولة…
حلو كتير…
عطلة عيد الفصح المجيد تبدأ من اليوم…
حلو كتيررررر…
وادفعوا ١٥٠٠ دولار
واللبناني ما رح نحسبوا … ما عادة تفرق معنا…
شو الهدف من الفرصة الطويلة؟؟؟
شخصيا،
بطلب التبرير من إدارة المدرستين يللي عم يتعلم فيها ولداي…
بس انا رح جاوب مسبقا:
١- توفير مادة المازوت، مع العلم انو اصلا هني عم يدوروا ساعة واحدة فقط في الأسبوع.
٢- توفير الملايين من الليرات بعد أن بات بدل النقل اليومي لكل استاذ هو 450000ل.ل.
لاقونا من الان وصاعدا
لن ندفع اي فلس لكم…
تصبحون على ثقافة
وعلى علم
وعلى وطن
د.ريتا السلوى عطالله
رئيسة لجنة الاهل في مدرسة القلبين الاقدسين المعلقة
