لماذا زحلة طرقاتها ونهرها نظيفان، ولا توجد فيها نفايات ولا كلاب شاردة، ولماذا كهرباؤها متوفرة 24/24؟
نشرت صفحة Baalbeck First عدة أسئلة وملاحظات حول واقع مدينة بعلبك، واضعةً إياها في مقارنة مباشرة مع مدينة زحلة، ومتسائلةً عن أسباب الفوارق في النظافة، والكهرباء، والبنى التحتية، ومعالجة ظاهرة الكلاب الشاردة، في وقت لا تزال فيه بعلبك تعاني من أزمات خدمية وإنمائية متراكمة.
اليكم النص كامل
ليش ما في كلاب شاردة بأقرب مدينة لمدينة بعلبك وهي مدينة زحلة ؟
ليش ما في زبالة على طرقات مدينة زحلة وعلى نهر البردوني متل ما في على البياضة ونهر رأس العين وجنب القلعة بمدينة بعلبك ؟
ليش عملوا الكهرباء اربع وعشرين ساعة بمدينة زحلة وبعدنا بمدينة بعلبك عايشين على تلات مصادر كهربا وكلها فواتير ومن دون نتيجة ؟
كنتوا تقولوا بركة ربنا بتجي بفضل الإيمان والمؤمنين والنظافة من الإيمان ولكن ليش هيك معادلة مختلفة لما نشوف هيك فئة سياسية حاكمة ومؤمنة بكل بلدية فيه عندها زبالة ومجاري متفلتة على الطريق وكلاب شاردة من دون مركز إيواء وطرقات كلها جور ومطبات ووحل بالشتاء وغبرة بالصيف والقضاء على كل شي اخضر والخليفة ماشية وكترانة والقلة زايدة وما تعتل هم انت خلِّف وربنا بيرزقو ولأيمتى بدها هيك فئة دينية تعتبر دولتها بآخر الزمان ومنتظرة المصلح بينما مش عايشين حاضرهم ولا قاريين اوطانهم ومش مؤمنين فيها إلا مستحى وما حدا عم بيصلح شي لأن يابا فيه بروباغندا سياسية دينية مخليتهم ينسوا دنياهم وما يعيشوها صح وما يخلوا المصلح اللي بدو يجي يصدقهم لأنهم فاقدين الإصلاح والتطور !
التخلف هو اللي بينتج النتيجة واعادة انتخاب هيك خط هو اللي عم بيكرر المآسي والنتيجة هي دايماً عم نخسر من حياتنا وتطورنا وتقدمنا بوقت صارت المدن اللبنانية تا ما قول العالمية بمكان فيه احترام للإنسان وللوطن وللتطور !
هيدي الناس بدها اعادة اصلاح نفسي وفكري حتى تتهيأ وتكون بمستوى المواطنة الصالحة !
لمتابعة آخر الأخبار
انضم الى freedom news عبر الواتساب على الرابط التالي👇
https://chat.whatsapp.com/I0yPy0kl623971LhulIAP3
